පරදේසි

පරදේසි

පරදේසි
පරදේසි

ලලිත සමයේදී සාකච්ඡාවට බඳුන් වූයේ ශ්‍රී ලාංකික සංගීත කලාවේ වත්මන් අර්බුදය නම්, පරදේසි තුලින් කතුතුමා ශ්‍රී ලාංකික සාහිත්‍යයේ වර්තමාන තත්වය ඔහුගේ දෘෂ්ඨි කෝ‌ණයට අනුව ඉදිරිපත් කරයි.

ඒ‌ සියල්ලම අභිබවා මතුවී පෙනෙන්නේ කතුතුමා සහ “වම” අතර ඇ‌ති ආ‌ත්මීය බැඳීමයි.

ශ්‍රී ලංකාවේ වම වෙනස් වී ඇ‌ත. ඒ‌ හා සමගාමීව මුලු ලෝ‌කයේම වම පසුබෑමකට ලක්ව ඇ‌ත.

කතානායකයා ලතින් අමෙරිකානු සාහිත්‍යයේ ගිලෙමින්, තමාගේ අනන්‍යතාවය ගො‌ඩනඟා ගැනීමට මඟක් සො‌යමින් සිටියි.
ලෝ‌ක සාහිත්‍යයද විවිධ වෙනස්කම් වලට භාජනය වී ඇ‌ත.
පුරාණයේ ආ‌ගමික වාරණ, දේශපාලණික වාරණ පසු කරගෙන අවුත් දැන් පො‌ත්වල ලිංගික නැඹුරුව මත වාරණය වීම යන තැනට පැමිණ ඇ‌ත. වෙහෙස වූ දෑස් සහිත විප්ලවීය ලේඛකයින් වෙනුවට දීප්තිමත් දෑස් සහිත කඩවසම් ඡායාකාන්ත ලේඛකයින් කරලියට බැස ඇ‌ත. ඔවුන් ව්‍යාජ විප්ලවවාදීහු වෙති.

නො‌බෙල් ත්‍යාග ලාභී ලේඛකයින් ජීවත් වන සමහර රටවල සාක්ෂරතාවය ඇ‌ත්තේ ළිඳ පතුලේය. ඔවුන්ගේ ජීවන මට්ටමද, අනෙකුත් මූලික පහසුකම් ද එසේමය. කෙතරම් උත්ප්‍රාස ජනකද ?

ලෝ‌කයේ තිබෙන මේ සියලු කලබැගෑණි මැද ශ්‍රී ලාංකීය සාහිත්‍යයේ වර්තමාන දිශානතිය කො‌යිබට ද?
අපට විදේශීය කිහිළිකරු වලින් තො‌රව තනිව සිට ගත හැකි මට්ටමක සිටී ද?

ඒ‌ කතුතුමා ඔහුගේ කතා නායකයා හරහා අපෙන් විමසන පැණයයි !

කතා නායකයාගේ කියුබානු සහ ලතින් අමෙරිකානු සවාරි සමාප්තයේදී , මගේ මතකයට නැගුනේ සුප්‍රසිද්ධ ස්වීඩන් ජාතික “ඇ‌බා” සංගීත කණ්ඩායම ගැයූ “ෆර්නෑන්ඩෝ‌” ගීතයයි.

විප්ලව සමයක් පිළිබඳව අතීතාවර්ජනයක යෙදෙන තැනැත්තියක් “ෆර්නෑන්ඩෝ‌” නම් වූ තම සහෘදයා අමතා යටගියාව පිළිබඳ දුකත් ප්‍රීතියත් අතර වූ හැඟීමකින් ගයන දයාබර ගීතයකි.
එහිදී ඇ‌ය මෙසේ කියා සිටියි ….

“අප පැරදේවි යැයි කිසිදා නො‌සිතුවෙමු
එහෙත් එසේ වුවද හිතේ පසුතැවිල්ලක් නැත
කවදා හෝ‌ නැවත විප්ලවය හිස ඔසො‌වයි නම්
ඔබ සමඟ සටනට එකතුවෙමි සබඳ , නො‌පැකිලවම”

කතාව අවසානයේදී සමහරවිට ඔබටත් එසේ සිතෙනු ඇ‌ත.

මට අනුව නම් තරු පහක්ම වුවත් දිය හැකි නව කතාවකි.

නිර්මාණි ෆ්‍රනැන්ඩු
Submit your review
1
2
3
4
5
Submit
     
Cancel

Create your own review

පරදේසි
Average rating:  
 0 reviews

Leave a Reply

Your email address will not be published. Required fields are marked *